Plantun de Prouvènço

Pèr coumpara dos planto d'encò nostre

Arthrocnemum macrostachyum & Fraxinus ornus

Engano(-verdalo)

Arthrocnemum macrostachyum

Amaranthaceae Chenopodiaceae

Àutri noum : Perso-pèiro, Salicor, Sausouiro, Sansouiro.

Nom en français : Salicorne glauque.

Descripcioun :
Aquesto engano, que s'atrobo soulamen en ribo de la Mieterrano dins li mitan sala, èi lignouso e formo de bouissoun. Se recounèis à si pouncho qu'an uno escavaduro (fotò), e à si pichòti lojo simplo que soubron après la cabusso di grano (fotò). Coumpara emé Sarcocomia fruticosa.

Usanço :
Lis engano soun coumestiblo e se manjon en ensalado se soun pas trop duro, e peréu esboulentado, adoubado coume de baneto. Bèn li lava que pòu i'agué de parasite dangeirous (letouspiròsi dóu ragoundin e douvo dóu fege).

Port : Aubret
Taio : Pancaro entresigna
Fueio : ges
Tipe bioulougico : Faneroufite
Cicle bioulougico : Planto renadivo

Gènre : Arthrocnemum
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Mar - Sansouiro - Sablo
Estànci : Termoumediterran
Couroulougi : Pancaro entresigna
Ref. sc. : Arthrocnemum macrostachyum (Moric.) K.Koch, 1853 (= Arthrocnemum glaucum Ung.-Sternb., 1876 )

Frais-di-flour-blanco

Fraxinus ornus

Oleaceae

Autre noum : Frais-de-la-mauno.

Noms en français : Frêne à fleurs, Orne.

Descripcioun :
Pichot frais que trachis dins li relarg umide e caud. Se recounèis à si flour blanco qu'an de lòngui petalo primo. Li fueioun soun pu larg qu'encò lou frais, Fraxinus excelsior.

Usanço :
Es un aubre qu'es esta planta dins mant'un relarg. A l'incisioun, s'escoulo uno meno de mauno blanco qu'a un goust sucra (sèbo), proun utilisado en Sicilo. La mauno èi lachativo e vertuouso pèr apasima la pèu. Ei di proun utilisado pèr d'ùni crèmo.